لاہور(پاکستان پوائنٹ نیوز04۔ستمبر۔2018ء) پاکستان کرکٹ بورڈ نے ایشیاء کپ 2018لئی 16رکنی قومی سکواڈ دا اعلان کر دتا، آل راؤنڈر عماد وسیم فٹنس ٹیسٹ پاس نہ کر سکن پاروں ٹیم اندر تھاں بنان وچ ناکام رہے جدکہ ان فارم اوپنر شان مسعود نوں سابق کپتان محمد حفیظ دی تھاں ٹیم وچ شامل کر لیا گیا اے۔ قذافی سٹیڈیم لاہور وچ پریس کانفرنس کردے ہوئے قومی ٹیم دے چیف سلیکٹر انضمام الحق نے سکواڈ دا اعلان کیتا ۔
سکواڈ وچ سرفراز احمد (کپتان و وٹ کیپر)فخر زمان، حسن علی، امام الحق، شعیب ملک، بابر اعظم، شاداب خان، عثمان خان شنواری، شاہین شاہ آفریدی، محمد عامر، شان مسعود، حارث سہیل، محمد نواز، فہیم اشرف تے جنید خان شامل نیں۔یاد رہوے کہ ایشیاء کپ کرکٹ ٹورنامنٹ 15توں 28ستمبر تیکر متحدہ عرب امارات وچ کھیڈیا جائے گا جیہدے وچ پہلی وار چھ ٹیماں ایکشن وچ وکھالی دین گیاں۔ پاکستان، بھارت، سری لنکا، بنگلا دیش تے افغانستان نے سدھی ایونٹ وچ تھاں بنا لی سی پر ہانگ کانگ، ملائیشیا، نیپال ، اومان، سنگا پور تے متحدہ عرب امارات وچوں کوئی اک ٹیم کوالیفائنگ مرحلے نوں پار کر کے ایونٹ تیکر اپڑے گی۔
