لاہور( پاکستان پوائنٹ نیوز07۔اگست۔2018ء ) ورلڈ کپ2019لئی مڈھلا سکواڈ تیار کر لیا گیا، اکمل برادران تے احمد شہزاد دی چھٹی، ابتدائی طور اُتے 30کھڈاریاں اُتے مشتمل اک سکواڈ تیار کیتا گیا اے جیہدے وچوں 16کھڈاریاں نوں ورلڈ کپ لئی چُنیا جائے گا۔ تفصیل مطابق انگلینڈ وچ اگلے ورھے شیڈول ون ڈے ورلڈ کپ ہون والا اے۔ پی سی بی ولوں وی ورلڈ کپ دیاں شروع کر دتیاں گئیاں نیں۔
ورلڈ کپ دیاں تیاریاں دے سلسلے وچ پی سی بی دی سلیکشن کمیٹی نے سکواڈ تیار کر لیا اے۔ پی سی بی دی سلیکشن کمیٹی ولوں ورلڈ کپ 2019لئی بنایا گیا ابتدائی سکواڈ 30کھڈاریاں اُتے مشتمل اے۔ بعدوں 16کھڈاریاں نوں ورلڈ کپ لئی چُنیا جائے گا۔ وسیلیاں مطابق اکمل برادران تے احمد شہزاد نوں ورلڈ کپ 2019لئی سکواڈ وچ شامل نہیں کیتا گیا جدکہ سینٹرل کنٹریکٹ وچ ایس ویلے جِنے وی کھڈاری نیں، اوہناں ساریاں نوں ورلڈ کپ 2019دے مڈھلے سکواڈ وچ شامل کیتا گیا ے۔
ورلڈ کپ 2019لئی مڈھلے سکواڈ وچ شامل کھڈاریاں وچ اظہر علی، شعیب ملک، سرفراز احمد، یاسر شاہ، بابراعظم، محمد عامر، محمد حفیظ، فہیم اشرف، اسد شفیق، حسن علی، فخر زمان، شاداب خان، محمد عباس، وہاب ریاض، جنید خان، حارث سہیل، امام الحق، محمد نواز، عثمان خان شنواری، شان مسعود، عماد وسیم، ڈی کیٹگری وچ رومان رئیس، آصف علی، راحت علی، عثمان صلاح الدین، حسین طلعت، بلال آصف، سعد علی، محمد رضوان، شاہین شاہ آفریدی، صاحبزادہ فرحان، عمید آصف تے میر حمزہ شامل نیں۔
