تحریک انصاف نے نجم سیٹھی کولوں پی ایس ایل دا حساب منگ لیا

تحریک انصاف نے نجم سیٹھی کولوں پی ایس ایل دا حساب منگ لیا

لاہور( پاکستان پوائنٹ نیوز03۔اگست۔2018ء ) تحریک انصاف نے نجم سیٹھی کولوں پی ایس ایل دا حساب منگ لیا۔ میڈیا رپورٹس مطابق پاکستان تحریک انصاف دے رہنما جاوید بدر نے نجم سیٹھی نوں خط لکھیااے۔ خط وچ جاوید بدر نے نجم سیٹھی کولوں پی ایس ایل دا حساب کتاب منگیا۔ پاکستان سپر لیگ دا حساب کتاب آرٹیکل19اے دے تحت منگیا گیا۔ جاوید بدر مطابق پاکستان سپر لیگ قوم دے پیسیاں نال ہوئی۔

جاوید بدر ہور کہنا سی کہ جے نجم سیٹھی نے پی ایس ایل دا حساب کتاب نہ دتا تے کورٹ نال رابطہ کراں گے۔ چیتے رہوے کہ پاکستان سپر لیگ دی وجہ توں پاکستان وچ کرکٹ اک وار فیر جاگی سی۔ پاکستان وچ سپر لیگ دے کامیاب ایونٹ دا سہرا پاکستان کرکٹ بورڈدے چیئرمین نجم سیٹھی نوں جاندا اے۔پر ہن ایس حوالے نال تحریک انصاف دے رہنما جاوید بدرنے نجم سیٹھی کولوں حساب منگیا اے۔