پی سی بی نے احمد شہزاد دے مثبت ڈوپ ٹیسٹ دی تصدیق کر دتی

لاہور( پاکستان پوائنٹ نیوز10۔جولائی۔2018ء ) قومی کرکٹ ٹیم دے مشہور اوپنر احمد شہزاد دا ستارہ گردش وچ اے، کئی جھیڑیاں مگروں ہن اوہناں دا ڈوپ ٹیسٹ وی پازیٹو آ گیا اے۔ پاکستان کرکٹ بورڈ(پی سی بی) نے ٹیسٹ اوپنر احمد شہزاد دے مثبت ڈوپ ٹیسٹ دی تصدیق وی کر دتی اے۔ پی سی بی دا کہنا اے کہ احمد شہزاد دے ڈوپ ٹیسٹ دے حوالے نال آزاد ریویو بورڈ دی رپورٹ مل گئی اے جیہدے وچ ممنوعہ مواد دی ورتوں ثابت ہوئی اے۔پی سی بی دا ہور کہنا سی کہ احمد شہزاد نوں باضابطہ طور اُتے چارج شیٹ جاری کیتی جا رہی اے۔ چیتے رہوے کہ احمد شہزاد دا دو مہینے پہلاں ڈومیسٹک میچ وچ ڈوپ ٹیسٹ لیا گیا جو کہ مثبت آ گیا اے۔