لاہور(پاکستان پوائنٹ نیوز03۔اکتوبر 2016ء) سابق آسٹریلوی کپتان مائیکل کلارک تے سپاٹ فکسنگ وچ سزا پان والے سابق پاکستانی کپتان سلمان بٹ دے ناں پاکستان سپر لیگ دے دوجے ایڈیشن دے ڈرافٹ وچ شامل ہون دے امکانات نیں۔ وسیلیاں دے مطابق پاکستان سپر لیگ دے دوجے ایڈیشن لئی ڈرافٹنگ دا عمل ممکنا طور اُتے 18 تے 19 اکتوبر نوں دبئی وچ ہووے گا جہدے وچ مائیکل کلارک تے سلمان بٹ دے نال نیوزی لینڈ دے سابق کپتان برینڈن میکولم تے انگلش کپتان مورگن دے ناں وی ڈرافٹنگ لئی شامل کیتے جان گے۔
میکلولم، مورگن، ایلکس ہیلز، جسن روئے، سٹورٹ براڈ، لاستھ مالنگا، مہیلا جے وردنے تے کیرون پولارڈ دے نال مائیکل کلارک پلاٹینم کیٹیگری وچ شامل کیتے جان گے۔گولڈ کیٹیگری وچ سبھ توں نمایاں ناں سابق کپتان سلمان بٹ دا اے۔ اوہناں توں وکھ جنوبی افریقا دے رچرڈ لیوی تے سری لنکا دے لاہیرو تھریمقا، انگلینڈ دے گیری بیلنس، عادل رشید، معین علی تے جیمز اینڈرسن وی ایسے کیٹیگری وچ شامل ہون گے۔
