کانپور(پاکستان پوائنٹ نیوز۔28ستمبر 2016) ہندستان خلاف سیریز وچ کسارے نال دوچار نیوزی لینڈ دی ٹیم مارک کریگ دے بعد جمی نیشام دیاں خدمتاں توں وی محروم ہو گئی اے جد کہ ہندستان نے زخمی لوکیشن راہل دی تھاں دو سال بعد گوتم گمبھیر نُوں ٹیسٹ سکواڈ دا حصا بنا لیا اے۔ لوکیش راہول کانپور وچ کھیڈ ے گئے ٹیسٹ میچ وچ وکٹاں وچکار رننگ کردیاں ہویاں ہیمسٹرنگ انجری دا شکار ہوئے سن تے سکواڈ وچ شیکھر دھاون دی موجودگی دے باوجود گمبھیر نُوں باقی سیریز لئی سکواڈ دا حصا بنا لیا گیا اے۔
گمبھیر نے آخری ٹیسٹ میچ دو سال پہلاں ہندستان دے دورا انگلینڈ دے موقع اُتے کھیڈیا سی جِتھے اوہ 25 توں وی گھٹ دی اوسط نال سکور کر سکے سن تے ہندستان نُوں پہلاں ٹیسٹ میچ جِتن دے باوجود سیریز وچ 1-3 نال شکس دا مونَہ ویکھنا پیا سی۔
