ویمن ٹیم دی کپتان ثناء میر وی میڈیااُتے ورس پئے،

کراچی (پاکستان پوائنٹ نیوز۔23ستمبر 2016) پاکستانی کرکٹرز وانگوں ویمن ٹیم دی کپتان ثناء میر وی میڈیا اُتے ورس پئے اوہ کہندے نیں کہ میڈیا دے کجھ لوک ایجنڈے اُتے کم کردے نیں‘ کپتانی چھڈن دا کوئی ارادا نہیں‘ ویمن ٹیم دا بیک اپ تیار نہیں کیتا جا رہیا۔ کراچی وچ میڈیا نال گل بات کردیاں ہویاں پاکستان کرکٹ ٹیم دی کپتان ثناء میر توں جدوں اوہناں دی ناکام کپتانی دا پُچھیا گیا تے اوہناں نے کہیا کہ اوہناں دا آپ کپتانی چھڈن دا کوئی ارادا نہیں‘ کپتان دی تبدیلی دا فیصلا پی سی بی چاہو ے تے کرلوے‘ میڈیا دے کجھ لوک مخصوص ایجنڈے اُتے کم کر رہے نیں۔ کپتان ثنا میر نے کہیا کہ دورا نیوزی لینڈ بہت اہم اے جہدے لئی بہتر انداز وچ کم کرنا ہووے گا۔