لاہور(پاکستان پوائنٹ نیوز21۔ستمبر2016ء) مشہور آف سَپِنر سعید اجمل نے پاکستان کرکٹ بورڈ ولوں الوداعی میچ کھیڈ کے یادگار انداز وچ کرکٹ چھڈن دی پیشکش نوں رَد کر دِتا۔ تفصیل دے مطابق سعید اجمل دا نجی ٹی وی نال گل بات کردے ہوئے کہنا سی کہ میرا ایس ویلے ون ڈے یاں ٹی 20 کرکٹ چھڈن دا کوئی ارادا نہیں، میں ٹیم وچ واپسی لئی بہت محنتی کیتی اے تے نیشنل ٹی 20 کپ وچ کارکردگی ایس گل ول اشارا وی کردی اے۔
اوہناں نے آکھیا کہ میں نیشنل ٹی 20 کپ وچ اپنی فٹنس ثابت کر دِتی، ایس لئی مینوں موقع ملنا چاہیدا۔ اوہناں نے آکھیا کہ جے میں کارکردگی وکھان وچ ناکام رہیا تے آپ کرکٹ چھڈ دیاں گا۔ یاد رہوے کہ سعید اجمل پچھلے دِناں ہون والے نیشنل ٹی 20 کپ دے 9 میچاں وچ 11 دی اوسط نال 21 وکٹاں لے کے سبھ توں کامیاب باؤلر رہے ۔
