فاسٹ باؤلرحسن علی داگھر پہنچن اُتے شاندار استقبال

گوجرانوالا(پاکستان پوائنٹ نیوز10۔ستمبر2016ء) قومی ٹیم دے فاسٹ باؤلر حسن علی داگھر پہنچن اُتے علاقا واسیاں ولوں شاندار استقبال کیتا گیا۔ 22 ورھیاں دے حسن علی نے انگلینڈ دے دورے وچ پاکستان اے ولوں چنگی کارکردگی دا وکھالا کیتا جہدا انعام اوہناں نوں پاکستان ون ڈے ٹیم وچ رلت کیتے جان دی صورت وچ ملیا۔ انگلینڈ خلاف ون ڈے سیریز وچ اوہناں نے 8 شکار کیتے، آخری ون ڈے وچ 60 سکور دے بدلے 4 کھڈاریاں نوں اوہناں نے آؤٹ کیتا۔حسن علی دا تعلق گوجرانوالا دے لاگے دے پنڈ لدھے والا توں اے تے پچھلے دیہاڑے جدوں اوہ اپنے گھر پہنچے تے علاقا واسیاں نے اوہناں دا چاہواں نال استقبال کیتا۔