نجم سیٹھی نے قومی ٹیم دے اگلے کپتان بارے اشارہ دے دتا

دبئی(پاکستان پوائنٹ نیوز20۔فروری2018ء) پاکستان کرکٹ بورڈ دے چیئرمین نجم سیٹھی نے قومی ٹیم دے اگلے کپتان دے حوالے نال اشارہ دے دتا۔ دبئی وچ پاکستان سپر لیگ دی ٹرافی دی مُکھ وکھالی تقریب وچ گل بات کردے ہوئے نجم سیٹھی دا کہنا سی کہ سرفراز احمد ساڈے تِنوں فارمیٹس دے کپتان نیں تے اوہناں نے پچھلے سال چیمپئنز ٹرافی دی شکل وچ ٹیم نوں بہترین تحفہ دتا۔ اوہناں دا ہور کہنا سی کہ عماد وسیم وی ساڈے اُبھردے ہوئے کھڈاری نیں، جے کراچی کنگز چالو ورھے پاکستان سپر لیگ جِتن وچ کامیاب ہوئی تے عماد وسیم آؤندے کپتان لئی امیدوار ہوسکدے نیں۔