لاہور(پاکستان پوائنٹ نیوز13۔فروری2018ء) پاکستان کرکٹ بورڈ (پی سی بی) نے پاکستان سپر لیگ دے تیجے ایڈیشن وچ امپائر ریویو سسٹم ورتن دا فیصلا کر لیا اے۔ تفصیل مطابق پاکستان کرکٹ بورڈ نے امپائرز تے میچ ریفریز نوں امپائر ریویو سسٹم بارے آگاہی دین لئی 13تے 14فروری نوں نیشنل کرکٹ اکیڈمی وچ اک ورکشاپ دا آہر کیتا اے ۔ ورکشاپ وچ آئی سی سی دے امپائرز کوچ ڈینس برنز مقامی امپائرز تے میچ ریفریز نوں سسٹم بارے جانکاری دین گے۔چیتے رہوے کہ پاکستان سپر لیگ دا تیجا ایڈیشن 22فروری توں شروع ہو رہیا اے۔ آئی سی سی ولوں سارے ٹی ٹونٹی مقابلیاں لئی امپائر ریویو سسٹم نوں لازمی قرار دتے جان مگروں ہن پاکستان کرکٹ بورڈ نے پی ایس ایل دے تیجے ایڈیشن وچ اوہدی ورتوں دا فیصلا کر لیا اے۔
پاکستان سپر لیگ دے تیجے ایڈیشن وچ امپائر ریویو سسٹم ورتن دا فیصلا
6 سال پچھے
