رنگا ہیراتھ نے لیجنڈری فاسٹ باؤلر وسیم اکرام دا 16ورھے پرانا ریکارڈ توڑ دتا

ڈھاکہ(پاکستان پوائنٹ نیوز10۔فروری2018ء) سری لنکن سپنر رنگنا ہیراتھ نے لیجنڈری فاسٹ باؤلر وسیم اکرام دا 16ورھے پرانا ریکارڈ توڑ دتا اے۔ 39ورھیاں دے سری لنکن لیفٹ آرم سپنر نے بنگلا دیش خلاف دوجے ٹیسٹ دی دوجی اننگز وچ تائیجل الاسلام نوں آؤٹ کر کے ٹیسٹ کرکٹ وچ اپنا 415واں شکار کیتا، جہدے نال ای اوہ ایس فارمیٹ وچ سبھ توں ودھ وکٹاں لین والے کھبے ہتھ نال گیند کروان والے باؤلر بن گئے نیں۔ ایس توں پہلاں لیجنڈری پاکستانی فاسٹ باؤلر وسیم اکرم نے 1985توں 2002دوران 104ٹیسٹ میچاں وچ 23.57دی اوسط نال 414وکٹاں لے کے کامیاب ترین کھبے ہتھ نال گیند کروان والے باؤلر ہون دا اعزاز اپنے ناں کیتا سی۔