آسٹریلیا تے نیوزی لینڈ دیاں ٹیماں نوں پاکستان دے دورے لئی قائل کرن لئی کوشش کر رہے آں: نجم سیٹھی

لاہور(پاکستان پوائنٹ نیوز03۔جنوری2018ء) نجم سیٹھی دا کہنا اے کہ آسٹریلیا تے نیوزی لینڈ دیاں ٹیماں نوں پاکستان دے دورے لئی قائل کرن دی کوشش کر رہے آں۔ تفصیل مطابق چیئرمین پی سی بی نجم سیٹھی دا کہنا اے کہ 2017پاکستانی کرکٹ لئی بہت چنگا ثابت ہویا اے۔ نجم سیٹھی دا کہنا اے کہ ہولے ہولے بین الاقوامی کرکٹ پاکستان واپس لیان دی کوشش کر رہے آں۔ چالو ورھے آسٹریلیا تے نیوزی لینڈ نے سیریز کھیڈن لئی متحدہ عرب امارات دا دورہ کرنا اے۔ ایس دورے دوران دوویں ٹیماں نوں پاکستان لیان دی کوشش کر رہے آں۔ اوہناں دا کہنا سی کہ دوویں ملکاں دیاں ٹیماں نوں قائل کرن دی کوشش کیتی جا رہی اے کہ اوہ 1یاں 2میچ پاکستان آ کے کھیڈن۔ ایس حوالے نال چھیتی فیصلا کر لیا جائے گا۔