ممبئی(پاکستان پوائنٹ نیوز29۔دسمبر2017ء) نویں دِلی دے وکٹ کیپر و بلے باز رشبھ پانٹ ’رانجی ٹرافی‘ دے فائنل وچ کپتانی دا فرض نبھان والے سبھ توں گھٹ عمر دے قائد بند گئے نیں۔ رشبھ پانٹ نے ایشانت شرما دی بھارتی ٹیم نال جنوبی افریقا دے دورے اُتے روانگی مگروں’ ودھاربھا‘ خلاف ’رانجی ٹرافی‘ دے فائنل وچ 20سال تے 86دن دی عمر وچ کپتانی سنبھال کے لیجنڈری بلے باز سچن ٹنڈولکر دا ریکارڈ توڑ دتا اے۔
یاد رہوے کہ سچن ٹنڈولکر نے 1994-95وچ 21سال 337دن دی عمر وچ پنجاب خلاف فائنل میچ وچ ممبئی دی کپتانی کیتی سی۔ پانٹ توں وکھ ہن تیکر چھ ہور کپتان 24سال دی عمر نوں پہنچن توں پہلاں رانجی ٹرافی دے فائنل وچ کپتانی دے فرض نبھا چکے نیں پر ایہناں وچوں صرف دو نوں ای جِت نصیب ہوئی سی، سابق بھارتی بلے باز وجے مرچنٹ نے 1944-45وچ ممبئی نوں ہولکر خلاف رانجی ٹرافی چیمپئن بنوایا سی جدکہ ٹنڈولکر نے 1994-95وچ پنجاب نوں ہرا کے ممبئی نوں رانجی فائنل جتوان وچ اہم کردار ادا کیتا سی۔
