ٹی ٹین لیگ نے آن لائن ویورشپ دے سارے ریکارڈ توڑ دتے

لاہور(پاکستان پوائنٹ نیوز20۔دسمبر2017ء) 14توں 17دسمبرتیکر شارجہ کرکٹ گراؤنڈ وچ ہون والی ٹی ٹین کرکٹ لیگ وچ وڈے وڈے ناں وی ایکشن وچ نظر آئے جہناں وچ شاہد آفریدی، وریندر سہواگ، شعیب ملک، مصباح الحق، حسن علی، تمیم اقبال، این مارگن تے ڈووین براوو شامل سن۔ ہالی ووڈ تے لالی ووڈ دے وڈے وڈے ناں وی ایس لیگ نوں سپور ٹ کرن لئی گراؤنڈ وچ نظر آئے جہناں وچ ابرار الحق ، عدنان صدیقی، بپاشا باسو، فہد مصطفی، ہمایوں سعید، عمائمہ ملک، کپل شرما، کیرتی سینن، شمیتا سین، سی لیون، زرین خان، مہوش حیات، مروہ، عروہ حسین تے ہور شامل سن۔

ایس دوران کرکٹرز نے میدان وچ اپنے اپنے جوہر وکھائے۔ ایس ایونٹ نوں 2.8ملین بندیاں نے آن لائن ویکھیا۔ یاد رہوے کہ پاکستان تے ورلڈ الیون وچکار ستمبر وچ کھیڈے گئے آزادی کپ نوں 1.1ملین لوکاں نے آئن لائن ویکھیا سی۔