لاہور(پاکستان پوائنٹ نیوز12۔دسمبر2017ء) پاکستان کرکٹ بورڈ (پی سی بی) دے سابق چیف سلیکٹر عامر سہیل نے سوہنا کھیڈن والے نوجوان اوپنر فخر زمان دی لگاتار ناکامی دی وجہ دس دتی اے۔ اک انٹرویو وچ عامر سہیل داکہنا سی کھبے ہتھ نال گیند کرن والے فخر زمان دا ’گولڈن پریڈ‘ ختم ہو گیا اے کیونکہ چیمپئزٹرافی فائنل وچ سنچری مگروں مخالف ٹیماں اوہناں دی کمزوری توں جانو ہو گئیاں نیں۔
عامر سہیل د اکہنا سی کہ اوہناں نوں دُکھ ایہ ویکھ کے ہو رہیا اے کہ فخر زمان نوں چیمپئنز ٹرافی وچ چنگا کھیڈن دی وجہ توں کامیابی ملی پر اوہدے مگروں اوہ اپنی کارکردگی نوں دُہران وچ ناکام رہے نیں، جہدی سادہ جہی وجہ ایہ اے کہ چیمپئنز ٹرافی دوران مخالف ٹیماں اوہناں بارے بُہتا نہیں جاندیاں سن۔پر ہن اوہ اوہناں نوں جان گئیاں نیں۔یاد رہوے کہ فخر زمان نے چیمپئنز ٹرافی دے فائنل میچ وچ بھارت خلاف سنچری سکور کیتا سی جہدے مگروں محمد عامر نے اپنی طوفانی باؤلنگ راہیں بھارتی بیٹنگ لائن نوں ہلا کے رکھ دتا سی۔
