کراچی(پاکستان پوائنٹ نیوز08۔دسمبر2017ء) پاکستان دے مشہور کھڈاری شاہد آفریدی تے بالی ووڈ اداکارہ زرین خان نے اک اشتہار وچ اکٹھے کم کیتا اے جہدی ویڈیو نے سوشل میڈیا اُتے دھم پا دتی اے۔ بالی ووڈ اداکارہ زرین خان کرکٹ دے میداناں وچ راج کرن والے شاہد آفریدی دی بہت وڈی چاہیوان اے ۔ اداکارہ شاہد آفریدی لئی اپنی پسندیدگی دا اظہار کئی وار کر چکی اے۔
اک تقریب دوران زرین خان نے شاہد آفریدی لئی ساریاں ساہمنے اپنی پسندیدگی دا اظہار کردے ہوئے آکھیا سی کہ اوہ شروع توں ای شاہد آفریدی دی بہت چاہیوان اے تے ایہو وجہ اے کہ اوہ پختون فرنچائز نوں سپورٹ کر رہی اے۔ پچھلے دِناں ای اک ویڈیو جاری ہوئی اے جہدے وچ شاہد آفریدی تے زرین خان نظر آ رہے نیں۔ ویڈیو وچ وکھایا گیا اے کہ زرین خان لال رنگ دی سپورٹس کار چلا رہی اے تے ایس دوران بائیک اُتے بیٹھا اک بندہ چھیتی نال اوہدے توں اگانہ لنگھ جاندا اے۔
دوواں دا ٹاکرا اک فلنگ سٹیشن اُتے ہوندا اے جتھے زرین خان نوں پتا چلدا اے کہ اوہ بندہ کوئی ہور نہیں بلکہ شاہد آفریدی اے۔ ویڈیو و چ زرین خان آکھدی اے کہ ’مینوں پخون ہون اُتے فخر اے‘ ٹی 10لیگ انتطامیہ نے ایہ ویڈیو اپنے فیس بک پیج اُتے وی شیئر کیتی اے۔
