عبدالرزاق دا پاکستان سپر لیگ دے اگلے ایڈیشن وچ بطور کھڈاری ان ایکشن ہون دا اشارا

لاہور(پاکستان پوائنٹ نیوز04۔دسمبر2017ء) قومی ٹیم دے سابق آل راؤنڈر عبدالرزاق نے پاکستان سپر لیگ دے اگلے ایڈیشن وچ بطور کھڈاری ان ایکشن ہون دا اشارا دے دتا اے۔ اک انٹرویو دوران عبدالرزاق دا کہنا سی کہ اوہ زرعی ترقیاتی بنک ولوں ڈومیسٹک کرکٹ کھیڈدے سن پر اوہ تنزلی مگروں فرسٹ کلاس میچ کھیڈن دا حق گوا بیٹھے۔اوہناں دا کہنا سی کہ انگلینڈ وچ کلب نال سمجھوتا ہوگیا تے میں اوتھے کھیڈیا۔اوہناں دا کہنا سی کہ میں ہن ٹی 10لیگ کھیڈ رہیا واں تے ڈومیسٹک میچ وی کھیڈن دی کوشش کیتی۔عبدالرزاق دا کہنا سی کہ فارم تے فٹنس بہتر ہوئی تے پی ایس ایل دے اگلے ایڈیشن وچ بطور کھڈاری ایکشن ہون دا ارادہ اے۔