پی سی بی اظہر علی نوں کپتان بنان اُتے معافی منگے: جاوید میانداد

کراچی(پاکستان پوائنٹ نیوز(01۔ستمبر2016ء) قومی کرکٹ ٹیم دے سابق کپتان جاوید میانداد نے اظہر علی نوں ون ڈے ٹیم دا کپتان بنان اُتے پاکستان کرکٹ بورڈ نوں تنقید دا نشانا بناندے ہوئے آکھیا کہ پی سی بی اظہر علی نوں کپتان بنان اُتے معافی منگے۔ اک انٹرنیشنل ویب سائٹ نوں دِتے گئے اپنے انٹرویو وچ لیجنڈری بلے باز دا کہنا سی کہ پی سی بی نے اظہر علی نوں کپتان بنا کے غلطی کیتی، اوہناں دی تے ون ڈے ٹیم وچ تھاں ای نہیں بندی سی۔ اوہناں نے آکھیا کہ ویلا آ گیا اے کہ پی سی بی اپنی غلطی منے۔ یاد رہوے کہ اظہر علی دی قیادت ہیٹھ قومی ٹیم نے ٹیسٹ کھیڈن والے ملکاں خلاف صرف اک میچ وچ کامیابی حاصل کیتی اے۔