کراچی(پاکستان پوائنٹ نیوز15۔نومبر2017ء) پاک سرزمین پارٹی دے سربراہ و سابق میئر کراچی مصطفی کمال نے پاکستان سپر لیگ دے تیجے ایڈیشن وچ کھڈاریاں دے چناؤ اُتے سوال چُکے نیں۔ اپنی اک ویڈیو و چ مصطفی کمال دا کہنا سی کہ 2018وچ پاکستان سپر لیگ دے پاکستان وچ ہونا چنگی گل اے پر ایہدے نال نال اک دُکھ بھری گل ایہ اے کہ پی ایس ایل 3وچ کوئٹہ گلیڈی ایٹرز دی فرنچائز وچ کوئٹہ یاں بلوچستان دا اک وی کھڈاری رلتی نہیں اے۔
مصطفی کمال دا ہور کہنا سی کہ ایس توں ودھ دُکھی دی گل ایہ اے کہ پی ایس ایل تھری وچ کسے وی فرنچائز دے سکواڈ وچ بلوچستان دا اک وی کھڈاری شامل نہیں اے، جو بلوچستان دے کھڈاریاں نال ناانصافی اے۔مصطفی کمال نے پاکستان سپر لیگ دیاں فرنچائزاں توں اپیل کیتی اے کہ اوہ اپنے فیصلے اُتے نظر ثانی کردے ہوئے سکواڈ وچ بلوچستان دے کھڈاریاں نوں موقع دین تاں جے اوہ وی ملک دا ناں اُچا کرن۔
