لاہور(پاکستان پوائنٹ نیوز09۔نومبر2017ء) پاکستان کرکٹ بورڈ نے ویسٹ انڈیز دا دورہ پاکستان ملتوی ہون مگروں قومی کھڈاریاں توں وڈی پابندی چک لئی اے۔ تفصیل مطابق ویسٹ انڈیز ٹیم دا پاکستان دا دورہ ملتوی ہون مگروں پی سی بی نے قومی کھڈاریاں نوں بنگلا دیش جان دی اجازت دے دتی اے۔ پی سی بی نے بی پی ایل وچ حصہ لین لئی سینٹرل کنٹریکٹ وچ شامل کھڈاریاں نوں مشروط این او سی جاری کیتے سن۔
قومی کھڈاری 17نومبر مگروں بی پی ایل وچ نظر آن گے جدکہ قومی ٹی ٹونٹی ٹورنامنٹ دے پہلے مرحلے دے بعد قومی کھڈاری بنگلا دیش چلے جان گے۔ نجی ٹی وی چینل مطابق پی سی بی نے ویسٹ انڈیز نال سیریز کارن قومی کھڈاریاں نوں پہلاں بنگلا دیش جان توں روکیا سی پر ہن محمد حفیظ، شعیب ملک، فہیم اشرف، بابر اعظم، رومان رئیس، حسن علی تے شاداب خان نوں بنگلا دیش جان دی اجازت دے دتی اے۔
