نویں دِلی(پاکستان پوائنٹ نیوز02۔نومبر2017ء) بھارتی کپتان ویرات کوہلی نوں نیوزی لینڈ خلاف پہلے ٹی 20میچ وچ انٹرنیشنل کرکٹ کونسل (آئی سی سی ) قوانین دی خلاف ورزی کرن مگروں وی کلین چٹ مل گئی۔ بھارتی میڈیا مطابق ویرات کوہلی دی اک تصویر ساہمنے آئی سی جہدے وچ اوہ دِلی دے فیروز شاہ کوٹلا سٹیڈیم وچ میچ دوران واکی ٹاکی اُتے کسے نال گل کردے ہوئے نظر آ رہے سن۔
رپورٹس مطابق کپتان ویرات کوہلی نیوزی لینڈ خلاف ٹی ٹونٹی میچ دوران آئی سی سی قوانین دی خلاف ورزی کردے ہوئے واکی ٹاکی ورت رہے سن۔ کوہلی دی تصویر ساہمنے آن مگروں بھارتی میڈیا وچ ہنگامہ کھڑا ہو گیا کہ کوہلی نے آئی سی سی دے قوانین دی خلاف ورزی کیتی اے تے اوہناں خلاف وڈی کارروائی کیتی جا سکدی اے۔ پر آئی سی سی نے معاملے دیاں تحقیقات کرن مگروں کوہلی نوں کلین چٹ دے دتی اے۔ یاد رہوے کہ آئی سی سی دے آرٹیکل 4.2مطابق میچ دوران کسے وی قسم دے لیپ ٹاپ‘ انٹرنیٹ‘ لینڈ لائن‘ فون یاں کسے دوجے آلے دے ورتن اُتے پابندی ہوندی اے۔
