نویں دِلی(پاکستان پوائنٹ نیوز24۔اکتوبر2017ء) ویرات کوہلی تے انوشکا شرما نے دسمبر وچ ویاہ کرن دا فیصلا کر لیا۔تفصیل مطابق29ورھیاں دے بھارتی کرکٹ ٹیم دے کپتان و مشہور بلے باز ویرات کوہلی تے بولی ووڈ دی اداکارہ 29ورھیاں دی انوشکا شرما وچکار تعلقات ودھن دیاں خبراں کوئی نویاں نیں۔ پچھلے ہفتے ای ویرات کوہلی تے انوشکا شرما ویاہ دے کپڑے تیار کرن والے بھارتی برانڈ دے اک اشتہار وچ اکٹھے نظر آئے۔
ویاہ لئی بنائے گئے ایس اشتہار وچ ویرات کوہلی تے انوشکا شرما نوں وی دولہا تے دُلہن دے لباس وچ وکھایا گیا سی‘ جو اک دوجے نال وعدے کردے نظر آؤندے نیں۔ اشتہار مگروں دوواں دے چاہیواناں نے ایس جوڑی نوں چھیتی ای ویاہ کر ن بارے مشورے دتے۔ اجے ایس اشتہار نوں اک ہفتہ ای ہویااے،تے خبراں ساہمنے آئیاں نیں کہ ویرات کوہلی تے انوشکا شرما دسمبر وچ ویاہ کرن والے نیں۔
