لاہور(پاکستان پوائنٹ نیوز24۔اکتوبر2017ء) سلیکشن کمیٹی دے رویے توں دُکھی ہو کے قومی ہاکی ٹیم دے سابق کپتان عبدالحسیم خان نے انٹرنیشنل ہاکی توں ریٹائرمنٹ لین دا فیصلا کر لیا اے۔ سابق کپتان نے کل اپنے گھر پریس کانفرنس وچ ممکنہ طور اُتے انٹرنیشنل ہاکی نوں چھڈن دا اعلان کر سکدے نیں۔ عبدالحسیم خان دا کہنا اے کہ میں انٹرنیشنل ہاکی کھیڈنا چاہنا واں پر ریٹائرمنٹ دین دا مقصد اپنا دفاع کرنا اے۔
ٹیم مینجمنٹ دا سلوک اجیہا ای رہیا تے قومی کھیڈ دا ناں لین والا کوئی نہیں رہوے گا۔عبدالحسیم خان دا کہنا سی کہ اوہ پریس کانفرنس وچ چیف سلیکٹر حسن سردار ولوں لائے گئے الزاماں دا جواب وی دین گے۔ یاد رہوے کہ پی ایچ ایف دی سلیکشن کمیٹی نے سابق کپتان نوں پچھلے دناں ای بنگلا دیش وچ ہون والے ایشیا کپ وچ قومی سکواڈ دا حصہ نہیں بنایا سی، جہدے کارن اوہ سلیکٹرز نال ڈاڈھے ناراض نیں۔
