پاکستان سپر لیگ دی نویں ٹیم ’ملتان سلطان‘ نے شعیب ملک نوں کپتان بنان دا فیصلا کرلیا

ملتان(پاکستان پوائنٹ نیوز10-۔اکتوبر2017ء) پاکستان سپر لیگ دی نویں ٹیم ’ملتان سلطان‘ نے شعیب ملک نوں کپتان بنان دا فیصلا کرلیا اے۔ پاکستان سپر لیگ وچ ’ملتان سلطان‘ دی رلت دے نال ای ایس سال چھ ٹیماں ایونٹ وچ رلتی ہون گیاں تے ایس سلسلے وچ ملتان نوں 10اکتوبر توں پہلاں اپنی ٹیم دے 10کھڈاریاں نوں فائنل کرنا اے جدکہ باقی کھڈاریاں دا چناؤ ڈرافٹ راہیں کیتا جائے گا۔ وسیلیاں مطابق پی ایس ایل دی نویں ٹیم ’ملتان سلطان‘ نے شعیب ملک نوں کپتان بنان دا فیصلا کر لیا اے۔ یاد رہوے کہ شعیب ملک لیگ دے پہلے ایڈیشن وچ کراچی کنگز دی قیادت کر چکے نیں پر ٹیم دی لگاتار ہار مگروں اوہ ایونٹ دوران ای قیادت چھڈ گئے سن، تے اوہناں دی تھاں روسی بوپارہ نوں کپتان بنایا گیا سی۔