دبئی(پاکستان پوائنٹ نیوز09۔اکتوبر2017ء) ورلڈ الیون دے دورہ پاکستان مگروں سری لنکن ٹیم نے پاکستان وچ اک ٹی ٹونٹی میچ کھیڈن دا اشارہ دتا سی پر ہن سری لنکن ٹیم دے دورہ پاکستان دی کوئی آس نہیں اے۔ تفصیل مطابق سری لنکا نے 3ٹی ٹونٹی سیریز دا آخری مقابلا 29اکتوبر نوں قذافی سٹیڈیم‘ لاہور وچ کھیڈنا اے پر وسیلیاں دا کہنا اے کہ سری لنکن کھڈاری پاکستان دی مدد تے کرنا چاہندے نیں پر بُہتے کھڈاری لاہور وچ ٹی ٹونٹی میچ کھیڈن دے حق وچ نہیں نیں۔
پی سی بی تے سابق قومی کھڈاری ایس سلسلے وچ بھرپور کوششاں کر رہے نیں تاں جے سری لنکن ٹیم دے دورہ پاکستان نوں یقینی بنایا جا سکے۔ یاد رہوے کہ جے سری لنکن کھڈاریاں نے پاکستان آن توں انکار کیتا تے اوہدا اثر ویسٹ انڈیز دے دورہ پاکستان اُتے وی پئے گا۔
