لاہور(پاکستان پوائنٹ نیوز04۔اکتوبر2017ء) قومی ٹیم دے سابق کپتان شاہد خان آفریدی دی 37گینداں اُتے سنچری نوں 21ورھے بیت گئے، 4اکتوبر 1996نوں اپنا دوجا ون ڈے کھیڈن والے شاہد آفریدی نوں اوس ویلے دے کپتان رمیز راجا نے سری لنکا خلاف نیروبی دے مقام تے بطور بٹر نمبر 3پوزیشن اُتے میدان وچ گھلیا تے کسے نوں امید نہیں سی کہ ویکھن نوں معصوم لگن والا ایہ انسان کِنا خطرناک بلے باز اے۔
16ورھیاں دے آفریدی نے 11چھکیاں تے 6چوکیاں دی مدد نال 102سکورے کیتے جہدے نال ون ڈے کرکٹ دی تواریخ وچ تیز ترین سنچری دا ریکارڈ اوہناں دے ناں ہو گیا، 17سال دو مہینیاں مگروں نیوزی لینڈ دے کورے اینڈرسن نے ویسٹ انڈیز خلاف 36گینداں اُتے سنچری سکور کر کے آفریدی دا ریکارڈ توڑیا تے جنوری 2015وچ جنوبی افریقی بلے باز اے بی ڈویلیئرز نے ویسٹ انڈیز خلاف ای 31گینداں اُتے سنچری سکور کر کے ایہ ریکارڈ اپنے ناں کر لیا۔
