کلدیپ یادیو‘ یاسر شاہ لئی خطرہ بن سکدے نیں: شین وارن

نویں دِلی(پاکستان پوائنٹ نیوز03۔اکتوبر2017ء) سابق آسٹریلوی لیگ سپنر شین وارن نے بھارتی چائنہ مین سپن باؤلر کلدیپ یادیو نوں پاکستانی سٹار یاسر شاہ لئی خطرہ قرار دے دتا اے۔ شین وارن نے سوشل میڈیا ویب سائٹ ٹویٹر اُتے اپنے پیغام وچ لکھیا کہ جے نوجوان کلدیپ ایسے صبرو تحمل نال سارے فارمیٹس وچ بولنگ جاری رکھے تے اوہ دنیا دا بہترین لیگ سپنر بنن دی خاطر یاسر لئی چیلنج بن سکدا اے۔ جواب وچ کلدیپ نے آکھیا کہ میں تہاڈی ایس تعریف نوں ذہن وچ رکھدے ہوئے بُہتی محنت کراں گا۔ 22ورھیاں دے کلدیپ یادیو ہن تیکر دو ٹیسٹ‘ 11ون ڈے تے دو ٹونٹی مقابلیاں وچ بھارت دی نمائندگی کر چکے نیں۔