آئی سی سی دے نویں فیوچر ٹور پروگرام دے تحت پاک ، بھارت سیریز دی آس اے: نجم سیٹھی

لاہور(پاکستان پوائنٹ نیوز30۔ستمبر2017ء) پاکستان کرکٹ بورڈ دے چیئرمین نجم سیٹھی نے دعوا کیتا اے کہ انٹرنیشنل کرکٹ کونسل دے نویں فیوچر ٹور پروگرام دے تحت پاک، بھارت سیریز دی آس اے تے ایس حوالے نال اوہ 9اکتوبر نوں آک لینڈ وچ اک میٹنگ وچ وی رلت کرن گے۔ ایس توں پہلاں کرکٹ بورڈ نے بی سی سی آئی اُتے سمجھوتے مگروں سیریز نہ کھیڈن بارے کیس وی کیتا ہویا اے۔ پاکستان کرکٹ بورڈ ولوں کئی وار بھارتی بورڈ اُتے ایم او یو اُتے عمل کرن نوں آکھیا گیا پر بھارتی بورڈ ایس حوالے نال پریشانی دا شکار اے۔ وسیلیاں مطابق پاکستان وچ کرکٹ دے کامیاب انعقاد نال ایس گل نوں ودھوتری ملی اے کہ کرکٹ نال پیار کرن والے پاکستان و بھارت نوں میچ کھیڈدا ویکھنا چاہندے نیں۔