ٹیکسی سروس کمپنی ’اوبر‘ نے کرکٹ نال پیار کرن والیاں لئی ’فلیٹ ریٹ‘ متعارف کروا دتے

لاہور(پاکستان پوائنٹ نیوز08۔ستمبر2017ء) ٹیکسی سروس کمپنی ’اوبر‘ نے پاکستان تے ورلڈ الیون وچکار شیڈول ’آزادی کپ‘ ویکھن لئی سٹیڈیم آن دے خاہشمند لوکاں لئی ’فلیٹ ریٹ‘ سروس متعارف کروا دتی اے۔ تفصیل مطابق اوبر پاکستان ’آزادی کپ‘ دا آفیشل ٹرانسپورٹ پارٹنر اے۔ اک پاسے جتھے انٹرنیشنل کرکٹ پاکستان واپس آ رہی اے اوتھے کرکٹ نال پیار کرن والے لوکاں نوں ایس موقعے توں فائدہ چکن لئی اوبر نے سہولت فراہم کردے ہوئے اوہناں دے گھر توں سٹیڈیم تیکر لئی 111رُپئے دا ’فلیٹ ریٹ متعارف کروا دتا اے۔ جو تِناں میچاں دوران ہوئے گا۔ اوبر نے اپنیاں سواریاں دی سہولت لئی اک پک اپ تے ڈراپ آف پوائنٹس وی متعارف کروان دا فیصلا کیتا اے۔