برمنگھم(پاکستان پوائنٹ نیوز05۔ستمبر2017ء) دنیا بھر وچ پاکستانی سفارت خانے اپنے شہریاں نوں تنگ کرن لئی بدنام نیں پر لندن وچ پاکستانی قونصلیٹ نے اک پیر اگانہ ودھاندے ہوئے جنوبی افریقی کرکٹر عمران طاہر نال وی عام شہریاں وانگ سلوک کردے ہوئے پوری دنیا وچ پاکستان دا ناں ہور بدنام کر دتا اے۔تفصیل مطابق عمران طاہر نے پاکستانی قونصلیٹ وچ اپنے ہون والے ایس بدترین سلوک دی کہانی سوشل میڈیا اُتے بیان کردے ہوئے دسیا کہ میں اپنے گھر والیاں نال ویزہ لین برمنگھم وچ موجود پاکستانی قونصلیٹ گیا تے 5گھنٹیاں مگروں قونصلیٹ دے سٹاف نے آکھیاکہ دفتر دا ٹائم ختم ہون دی وجہ توں ہن تہانوں باہر جانا پئے گا۔
پر شکر اے کہ پاکستانی ہائی کمشنر سید ابن عباس نے سٹاف نوں حکم دے کے سانوں ویزے دوائے۔ اوہناں نے ہور لکھیا کہ وڈی گل ایہ اے کہ میں اک پاکستانی نثدا جنوبی افریقی کھڈاری آں جو ورلڈ الیون نال پاکستان دے دورے اُتے آ رہیا وا ں میرے نال اجیہا سلوک کیتا گیا۔
