چیئرمین پی سی بی نجم سیٹھی دا ورلڈ الیون ٹیم وچ شامل کھڈاریاں دے ناواں دا اعلان

لاہور(پاکستان پوائنٹ نیوز24۔اگست2017ء) پاکستان کرکٹ بورڈ دے نجم سیٹھی نے ورلڈ الیون ٹیم وچ شامل کھڈاریاں دے ناواں دا اعلان کر دتا اے۔ قذافی سٹیڈیم لاہور وچ پریس کانفرنس کردے ہوئے نجم سیٹھی دا کہنا سی کہ جنوبی افریقہ دے فاف ڈوپلیسی ورلڈ الیون دی ٹیم دے کپتان ہون گے جدکہ ہور کھڈاریاں وچ ہاشم آملا، ڈیوڈ ملر، مورنے مورکل، سیمیول بدری، جارج بیلی بین، کٹنگ، گرانٹ ایلیٹ، تمیم اقبال، ٹم پین، تھیسارا پریرا، ڈیرن سیمی، عمران طاہر تے پال کالنگ ووڈ شامل نیں۔ نجم سیٹھی دا کہنا سی کہ ورلڈ الیون دی ٹیم ستمبر دے دوجے ہفتے پاکستان دا دورا کرے گی جو 3ٹی ٹونٹی میچ کھیڈے گی۔ ایہ میچ 12،13تے 15ستمبر نوں کھیڈے جان گے۔