نویں ٹیسٹ رینکنگ: اظہر علی دی اک درجے ترقی

لاہور(پاکستان پوائنٹ نیوز15۔اگست2017ء) انٹرنیشنل کرکٹ کونسل نے ٹیسٹ کرکٹ دی نویں رینکنگ جاری کر دتی اے۔ رینکنگ مطابق پاکستانی ٹیم درجہ بندی وچ 6نمبر اُتے آگئی۔ آئی سی سی ولوں جاری کیتی گئی نویں رینکنگ مطابق آسٹریلیوی کپتان سٹیو سمتھ اُنجے ای پہلے ، انگلش کھڈاری جوروٹ دوجے تے نیوزی لینڈ دے کپتان کین ولیمسن تیجے نمبر اُتے نیں۔ رینکنگ وچ پہلے 20بلے بازاں وچ پاکستان دے اکلے کھڈاری اظہر نیں جو اک درجے ترقی مگروں 7ویں نمبر تے آ گئے نیں۔