ایشیا کپ کرکٹ ٹورنامنٹ: بھارت نے مجمانی توں معذرت کر لئی

نویں دِلی(پاکستان پوائنٹ نیوز08۔اگست2017ء) پاکستان کرکٹ بورڈ ولوں بھارت وچ ہون والے انڈر 19ایشیا کپ دی مجمانی واپس لین دا مطالبہ ساہمنے آن مگروں بھارت سینئر ایشیا کپ دی مجمانی توں پچھانہ ہٹ گیا پر انڈر 19ایشیا کپ دی مجمانی بارے بھارت نے اجے تیکر فیصلا نہیں کیتا۔ بھارتی کرکٹ بورڈ ولوں چالو ہفتے ایشیئن کرکٹ کونسل دے اجلاس وچ سینئر ایشیا کپ دی مجمانی توں معذرت کیتی جائے گی۔ اجلاس وچ بھارتی حکومت دی کلیئرنس نوں جواز بنایا جائے گا کیونکہ پاکستانی ٹیم نے وی ایس ایونٹ وچ رلتی ہونا اے۔