سابق کرکٹر شاہد خان آفریدی وی سیاسی بحث وث کُد پئے

کراچی(پاکستان پوائنٹ نیوز05۔اگست2017ء) قومی کرکٹ ٹیم دے سابق کپتان شاہد خان آفریدی وی سیاسی بحث وچ کُد پئے نیں۔ ٹویٹر تے جاری اک بیان وچ اوہناں دا کہنا سی کہ کیہ پاکستان اندر سیاست اک دوجے دی عزت اُچھالنا اے؟سانوں ساریاں نوں سنبھلنا پئے گا۔ اوہناں نے ہور آکھیا کہ پاکستان دی عزت و وقار ودھانا ساڈے ساریاں دا فرض اے۔ اسیں پوری دنیا وچ اپنا مذاق بنوا رہے آں۔ شاہد آفریدی دا ہور کہنا سی کہ میڈیا توں درخاست اے کہ اوہ اپنا اصل کردار نبھائے تے اک دوجے تے گند سُٹن والیاں نوں کوریج نہ دیوے۔