لاہور(پاکستان پوائنٹ نیوز04۔اگست 2017ء) قومی ٹیم دے سابق کپتان شاہد آفریدی نے پاکستان تحریک انصاف دی سابق رہنما عائشہ گلا لئی ولوں چیئرمین عمران خان تے لائے گئے الزاماں بارے اپنا موقف دے دتا۔ تفصیل مطابق پاکستان تحریک انصاف دی سابق رہنما عائشہ گلا لئی نے منگل دے دیہاڑے چیئرمین پی ٹی آئی عمران خان تے مندے میسج کرن سنے ہور کئی الزام لائے۔
ایہناں الزاماں تے جتھے اک پاسے تحریک انصاف ولوں عائشہ گلا لئی تے مسلم لیگ (ن) ولوں عمران خان نوں تنقید دا نشانا بنایا گیا اوتھے آل راؤنڈر شاہد آفریدی نے وی سماجی رابطے دی ویب سائٹ ٹویٹر تے جاری پیغام وچ آکھیا کہ کیہ سیاست صرف اک دوجے دی عزت اُچھالنا اے؟ سانوں اپنے آپ نوں سنبھالنا پئے گا‘ اسیں آن والیاں نسلاں دا سوچنا اے‘ پاکستان دی عزت و وقار ودھانا ساڈے تے لازم اے‘ اسیں دنیا بھر وچ اپنا مذاق بنا رہے آں۔ اوہناں دا کہنا سی کہ میڈیا توں میری درخاست اے کہ اپنا اصل کردار نبھائے۔
