لاہور(پاکستان پوائنٹ نیوز13۔جولائی2017ء) قومی کرکٹ ٹیم دے کپتان و وکٹ کیپر سرفراز احمد ہن کاﺅنٹی کرکٹ کھیڈن گے۔ تفصیل مطابق سرفراز احمد دا یارکشائز کاﺅنٹی نال سمجھوتا ہو گیا اے تے اوہ 3اگست توں 5میچاں لئی یارکشائر نوں دستیاب ہون گے۔ ٹی ٹونٹی بلاسٹ ٹورنامنٹ وچ اوہناں داپہلا ممکنہ میچ ڈربی شائر خلاف ہوئے گا۔ پاکستانی کپتان 27جولائی نوں انگلینڈ جان گے جتھے اوہ آسٹریلیا دے وکٹ کیپر و بلے باز پیٹر بینڈ سکومب دی تھاں لین گے۔ وسیلیاں مطابق پاکستان کرکٹ بورڈ نے سرفراز احمد نوں کاﺅنٹی کرکٹ لئی این او سی جاری کر دتا اے۔ چیتے رہوے کہ سرفراز احمد کاﺅنٹی کرکٹ کھیڈن والے پاکستان دے پہلے وکٹ کیپر و بلے باز نیں۔
سرفراز احمد دا یارکشائز نال سمجھوتا: بورڈ نے این او سی جاری کر دتا
8 سال پچھے
