فخر زمان نے اظہر علی توں معافی منگ لئی

مردان(پاکستان پوائنٹ نیوز22۔جون2017ئ) بھارت خلاف سنچری بنان والے پاکستان دے نوجوان کھڈاری فخر زمان نے آکھیا اے کہ میں پچ اُتے اظہر بھائی دی رن لین دی آواز نہیں سنی تے اوہ آﺅٹ ہو گئے، جہدے اُتے میں اوہنا ں توں معذرت وی کیتی۔ فخر زمان دا کہنا سی کہ سٹیڈیم وچ رولا سی تے میں اظہر بھائی دی رن دی آواز نہیں سنی جہدے کارن میں کریز وچ ای رہ گیا تے اوہ رن آﺅٹ ہو گئے۔ میں میچ ختم ہون مگروں ڈریسنگ روم وچ اوہناں توں معافی وی منگی۔ جواب وچ اوہناں نے آکھیا کہ میچ اسیں جِت گئے آں، تے تیری سنچری وی ہو گئی، ٹرافی وی آ گئی ہن سبھ ٹھیک اے کوئی مسئلا نہیں۔