چیمپئنز ٹرافی: بھارتیاں دا پاکستان خلاف کامیابی مگروں جشن منان دا پلان چوپٹ ہوگیا

لندن(پاکستان پوائنٹ نیوز22۔جون2017ئ) چیمپئنز ٹرافی وچ بھارتیاں دا پاکستان خلاف کامیابی مگروں جشن منان دا پلان چوپٹ ہوگیا۔ تفصیل مطابق آئی سی سی چیمپئنز ٹرافی دے فائنل لئی بھارت نوں فیورٹ قرار دتا جا رہیا سی پر پاکستانی شیراں نے ہندوستان نوں ہرا کے پہلی وار ٹائٹل اپنے ناں کیتا۔ 339سکور دے ٹارگٹ وچ جدوں بھارت دا سکور پنج وکٹاں دے نقصان اُتے 56تیکر پہنچیا تے کیمرے نے پوویلین وچ بیٹھے یووراج سنگھ تے شیکھر دھون نوں وکھایا جو پاکستان توں ہار یقینی ویکھن مگروں اپنے نال لیاندے پٹاکے لُکان دی کوشش کر رہے سن۔