اوول(پاکستان پوائنٹ نیوز17۔جون2017ء) پاکستان تے بھارت دا فائنل ٹاکرا اوول وچ ہوئے گا، دنیا بھردے کرکٹ فینز دی نظر ایس اہم میچ اُتے اے تے میچ دیاں ٹکٹاں دا حال ایہ اے کہ 15گنا ودھ قیمت اُتے وِک رہیاں نیں۔تفصیل مطابق پاکستانی تے بھارتی فینز جے انگلینڈ وچ موجود نیں، تے کون ہوئے گا جو سٹیڈیم جا کے میچ ویکھنا نہیں چاہوے گا۔ ایہو وجہ اے کہ پاک بھارت میچ دیاں ٹکٹاں دے ریٹ کئی گنا مہنگے ہو گئے نیں۔
چیمپئنز ٹرافی دے فائنل دیاں ٹکٹاں اُنج تے کئی مہینے پہلے ای سولڈ آﺅٹ ہو گئیاں سن پر اوس ویلے کسے نوں ایہ نہیں پتا سی کہ پاک بھارت فائنل ڈیسائیڈ ہون مگروں 140پاﺅنڈ دے ٹکٹ دی قیمت 1000توں دو ہزار پاﺅنڈ تیک ہو جائے گی۔ پچھلے دِنا ای جہنے 140پاﺅنڈ دے دو ٹکٹ لئے سن اوہ ہن لوک1100پاﺅنڈز وچ لوک لے رہے نیں یعنی قیمتاں 15گنا ودھ گئیاں نیں پر اک مسئلا ایہ ہو سکدا اے کہ اوہ 6000ٹکٹاں جو آئن لائن آئی سی سی نے ویچیاں اوہناں دی نویں قیمت ری سیل ایہناں ٹکٹاں نوں کینسل کر سکدی اے کیونکہ ایہ پریکٹس غیر قانونی اے۔ کرکٹ فینز نوں ایس ویلے پیسیاں دی کوئی پرواہ نہیں، انگلینڈ وچ موجود فینز کرکٹ نوں جے کسے گل نال دلچسپی اے تے اوہ صرف ایہ کہ کسے وی طرحاں کسے وی قیمت اُتے ٹکٹ مل جائے۔
