اوول(پاکستان پوائنٹ نیوز16۔جون2017ء) بھارتی کرکٹ ٹیم دے سابق کپتان سارو گنگولی نے عامر سہیل ولوں پاکستانی ٹیم اُتے فکسنگ دے الزاماں نوں مذاق قرار دے دتا۔ بھارتی میڈیا نال گل بات کردے ہوئے سارو گنگولی دا کہنا سی کہ فکسنگ دے الزام اجیہے بندے ولوں لانا مذاق اے جہنے 10سال اپنے ملک دی نمائندگی کیتی ہووے تے کپتان وی رہیا ہووے، ایہناں کھڈاریاں نوں پاکستان وچ کُجھ نہیں ملدا، اوتھے کوئی فرسٹ کلاس کرکٹ نہیں تے نہ کوئی انفراسٹرکچر موجود اے۔
اوہناں دا ہور کہنا سی کہ سرفراز تے ہور کھڈاری پہلے وی میچ فکسنگ دے الزام سُندے رہے نیں ایس لئی اوہ ایہدا بہتا اثر نہیں لین گے۔ اوہناں دا کہنا سی کہ پاکستان کس طرحاں چیمپئنز ٹرافی دے فائنل وچ پہنچن لئی میچ فکس کر سکدا اے؟ سابق بھارتی آف سپنر ہر بھجن سنگھ دا کہنا سی کہ عامر سہیل اجیہے بیان دے کے پاکستان وچ عزت گوا رہے نیں۔
