چیمپئنز ٹرافی نے آئی سی سی رینکنگ نوں بے معنی بنا دتا

برمنگھم(پاکستان پوائنٹ نیوز12۔جون2017ء) چیمپئنزٹرافی ٹورنامنٹ نے آئی سی سی دی ون ڈے رینکنگ نوں بے معنی بنا دتا، 8ٹیماں دے ایونٹ وچوں آخری نمبر دیاں ٹیماں سیمی فائنل دیاں امید وار بن گئیاں نیں۔تفصیل مطابق چیمپئنزٹرافی وچ ورلڈ نمبر ون جنوبی افریقا نے شاندار شروعات کیتی پر جدوں اوہدا مقابلا پاکستان نال ہویا تے اوہدے ہتھ پیر پُھل گئے رہندی سہندی کسر بھارت نے پوری کر کے جنوبی افریقا دی چھٹی کروا دتی۔ ایہو کُجھ ای ورلڈ نمبر ٹو آسٹریلیا نال وی ہویا، چیمپئنزٹرافی وچ اوہدا کھیڈا وی پہلے مرحلے وچ مک گیا۔