آئی سی سی چیمپئنز ٹرافی: بھارت نے سری لنکا نوں جِت لئی 322سکور دا ٹارگٹ دے دتا

لندن(پاکستان پوائنٹ نیوز08۔جون2017ء) آئی سی سی چیمپئنز ٹرافی گروپ (بی) دے اہم میچ وچ بھارت نے سری لنکا نوں میچ جِتن لئی 322سکور دا ٹارگٹ دے دتا اے۔ تفصیل مطابق سری لنکا نے ٹاس جِت کے پہلے باﺅلنگ دا فیصلا کیتا۔ بھارتی ٹیم نے متھے گئے 50اووراں وچ 6کھڈاریاں دے نقصان اُتے 321سکور کیتے۔ بھارت ولوں شیکھر دھون نے شاندار کھیڈدے ہوئے 125، روہت شرما نے 78 تے مہندر سنگھ دھونی نے 63سکور بنائے۔ سری لنکا ولوں لاستھ ملنگا نے دو کھڈاریاں نوں آﺅٹ کیتا۔