برمنگھم(پاکستان پوائنٹ نیوز05۔جون2017ء) بھارت دی جِت اُتے ویسٹ انڈیز دے کھڈاری ڈیرن سیمی نے بھارتی کھڈاریاں دی موجودگی وچ وقار یونس نوں شرمند اکر دتا۔ تفصیل مطابق آئی سی سی چیمپئنز ٹرافی وچ پاک بھارت ٹاکرے وچ پاکستانی ٹیم دی ہار دے فوری بعد ڈیرن سیمی نے ویڈیو بنائی ،اوس ویلے اوہناں نال بھارتی کھڈاری ظہیر خان تے وقار یونس وی موجود سن۔
سوشل میڈیا ایپ انسٹا گرام اُتے ڈیرن سیمی نے ویڈیو جاری کیتی۔ ویڈیو وچ میچ دا فیصلا آن مگروں آکھیا گیا کہ بھارت جِت گیا اے، ظہیر خان ایس حوالے نال تہاڈا کیہ کہنا اے؟ جواب وچ بھارتی کھڈاری نے آکھیا کہ ساڈی چنگی پرفارمنس سی۔ ایہدے مگروں ڈیرن سیمی نے وقار یونس توں سوال کیتا کہ تہاڈا کیہ خیال اے؟ جہدے اُتے وقار یونس نے صرف اینا ای آکھیا ’ناٹ گڈ، ناٹ گڈ‘ ۔ جہدے مگروں اوہ ہور سوال توں بچن لئی اگانہ ٹُر پئے، جدوں مگروں ڈیری سیمی اُچی اُچی ہسن لگ پئے۔
