شاہد آفریدی نے پاک بھارت ٹاکرا ویکھن لئی انگلینڈ جان توں معذرت کر لئی

لاہور(پاکستان پوائنٹ نیوز03۔جون2017ء) اک پاسے جتھے جنوبی ایشیا دے ڈیڈھ عرب لوک ایتوار نوں شیڈول پاک بھارت مقابلے دی اُڈیک وچ نیں اوتھے قومی ٹیم دے سابق کپتان شاہد آفریدی نے میچ ویکھن لئی انگلینڈ جان توں معذرت کر لئی اے۔ تفصیل مطابق انٹرنیشنل کرکٹ کونسل (آئی سی سی) نے سٹار آل راﺅنڈر شاہد خان آفریدی نوں پاکستان تے بھارت میچ دا ویکھن لئی انگلینڈ آن دی دعوت دتی پر شاہد آفریدی نے انگلینڈ جان توں معذرت کر لئی اے۔ آفریدی دا کہنا سی کہ کُجھ مسئلیاں کارن اوہ چیمپئنز دے سبھ توں وڈے ٹاکرے نوں ویکھن انگلینڈ نہیں جا سکن گے۔