کسے کھڈاری نوں افغان کرکٹ لیگ لئی این او سی نہیں ملے گے: پی سی بی

لاہور(پاکستان پوائنٹ نیوز02۔جون2017ء) افغان کرکٹ بورڈ ولوں کرکٹ تعلقات ختم کرن دے اعلان مگروں پی سی بی نے وی اپنے کھڈاریاں نوں افغانستان کرکٹ لیگ وچ رلت توں ڈک دتا۔ تفصیل مطابق افغان کرکٹ بورڈ دے دورا پاکستان توں انکار اُتے پی سی بی نے کرارا جواب دیندے ہوئے کھڈاریاں نوں افغان کرکٹ لیگ وچ رلت توں ڈک دتا اے۔ چیتے رہوے کہ 10پاکستانی کھڈاریاں نے افغان کرکٹ لیگ وچ رلت دے سمجھوتے اُتے دستخط کیتے ہوئے نیں پر پی سی بی دا کہنا اے کہ کسے کھڈاری یاں کوچ نوں افغان لیگ وچ رلت دی اجازت نہیں دتی جائے گی۔ دوجے پاسے 31مئی نوں کابل حملے مگروں افغان کرکٹ بورڈ نے پاکستان نال کرکٹ تعلقات ختم کرن تے جولائی، اگست وچ دو میچاں دی سیریز وی منسوخ کرن دا اعلان کیتا سی۔