کابل(پاکستان پوائنٹ نیوز01۔جون2017ء) افغان کرکٹ بورڈ نے کابل وچ ہون والے دھماکے مگروں پاکستان نال دوستانا سیریز کھیڈن توں انکار کر دتا اے۔ پاکستان تے افغانستان وچکار ٹی 20سیریز کھیڈن بارے گل بات جاری سی کہ کابل وچ دھماکا ہون کارن افغان کرکٹ حکام نے پاکستان نال سیریز کھیڈن توں انکار کر دتا۔ چیتے رہوے کہ کل افغان دارالحکومت کابل وچ جرمن سفارت خانے نیڑے کار بم دھماکے دے نتیجے وچ 90بندے ہلاک تے 400توں ودھ زخمی ہو گئے سن۔ افغان کرکٹ بورڈ نے ٹویٹر پیغام وچ سیریز دی منسوخی بارے دسیا۔ افغان کرکٹ بورڈ نے کابل دھماکے مگروں پاکستان نال سیریز کھیڈن توں انکار کردے ہوئے اپنے پیغام وچ آکھیا کہ پاکستان نال کرکٹ تعلقات نوں وی ختم کیتا جاندا اے۔
کابل بم دھماکا: افغان کرکٹ بورڈ نے پاکستان نال دوستانا میچ کھیڈن توں انکار کر دتا
8 سال پچھے
