لاہور(پاکستان پوائنٹ نیوز19۔مئی2017ء) وزیر اعظم نے چیئرمین پی سی بی شہریار خان نوں عہدے دی مدت پوری کرن لئی ’گرین سگنل‘ دے دتا اے۔ تفصیل دے مطابق شہریار خان نے مارچ دے شروع وچ اپنا استعفا کرکٹ بورڈ دے سرپرست اعلا وزیر اعظم نوں گھل دتا سی تے اوہناں دی تھاں نجم سیٹھی دا عہدا سنبھالانا یقینی سی پر ملک وچ اچن چیت سیاسی محاز گرم ہون کارن ایہ معاملا ٹھنڈا پے گیا۔
وسیلیاں دے مطابق شہریار خان نے پچھلے دیہاڑے سینئر بورڈ حکام تے گورننگ بورڈ ارکان نوںاک ای میل وچ لکھیا کہ پچھلے دِنا وزیر اعظم دے سیکرٹری فواد حسن فواد نے مینوں فون اُتے دسیا کہ اوہناں نوں میرا استعفا مل گیا اے پر اوہدے اُتے کوئی ایکشن لین دا حکم نہیں ملیا ایس لئی ایہ فیصلا ہو گیا اے کہ مینوں بطور چیئرمین پی سی بی اگست تک عہدے دی مدت پوری کرن تے جون وچ آئی سی سی دی اہم جنرل میٹنگ وچ رلت کرنی چاہیدی۔
