ڈومینیکا(پاکستان پوائنٹ نیوز15۔مئی2017ء) پاکستان دی ویسٹ انڈیز خلاف تواریخی جِت دے نال مصباح الحق دا شاندار کیریئر وی ختم ہو گیا اے۔ میچ وچ جِت مگروں مصباح الحق دا کہنا سی کہ شاندار فتح اُتے رب دا شکر گزار آں، اپنی ماں، بیوی، کوچنگ سٹاف، ساتھیاں تے فیز دا وی شکر گزار آں، دنیا وچ ہر شے ختم ہوندی اے، کرکٹ دی زندگی نوں بہت انجوائے کیتا، تواریخ وچ یونس خان دا ناں سنہری حرفاں وچ لکھیا جائے گا۔
ڈومینیکا ٹیسٹ دے آخیر اُتے گل بات کردے ہوئے مصباح الحق دا کہنا سی کہ ایس یادگار میچ وچ اپنے پُتر نوں مس کیتا، میرا پُتر ایتھے نہیں آ سکیا، اہنوں مس کر رہیا واں۔ میچ بارے مصباح الحق دا کہنا سی کہ مینوں تے یونس نوں جس طرحاں الوداع کیتا گیا ایہ وڈا اعزاز اے۔ اوہناں دا کہنا سی کہ یونس خان دا ناں سنہری حرفاں وچ لکھیا جائے گا۔مصباح الحق نے آکھیا کہ پیر پیر اُتے سپورٹ کرن اُتے اپنی ماں تے بیوی دا شکر گزار آں۔ مصباح الحق دا کہنا سی کہ دنیا وچ ہر شے نے ختم ہونا اے، کرکٹ دی زندگی نوں انجوائے کیتا اے۔
