لاہور(پاکستان پوائنٹ نیوز09۔مئی2017ء) پاکستان ٹیسٹ ٹیم دے کپتان مصباح الحق تے یونس خان مگروں ہن ایہ انکشاف ہویا اے کہ فاسٹ باﺅلر محمد عامر وی ایس فارمیٹ توں ریٹائرمنٹ بارے سوچ رہے نیں۔ نجی ٹی وی دے مطابق ویسٹ انڈیز خلاف دوجے ٹیسٹ میچ وچ ہار مگروں کھڈاری جدوں ہوٹل وچ بیٹھے سن اوتھے موجود عینی شاہد نے محمد عامر نوں ایہ آکھدے سنیا کہ ’یار میں سنجیدگی نال ٹیسٹ کرکٹ توں ریٹائرمنٹ بارے سوچ رہیا وا ں، سوچ رہیا واں کہ ٹیسٹ کرکٹ چھڈ کے ون ڈے انٹرنیشنل تے ٹی 20اُتے توجہ دیواں۔
نجی ٹی وی د ے پروگرام وچ کیتے گئے ایس انکشاف نے پاکستان کرکٹ وچ اک نویں تھرتھلی پا دتی اے۔ دوجے پاسے عامردے ایس فیصلے اُتے اوہناں دے چاہیوان پریشان ہو گئے نیں۔ چیتے رہوے کہ محمد عامر نے سپاٹ فکسنگ وچ سزا بھگتی تے واپسی مگروں اپنی پرفارمنس دا لوہا منوان دی بجائے ایس فارمیٹ توں ریٹائرمنٹ بارے ای سوچنا شروع کردتا اے۔
